ربنا خلق عالم جميل جدا وملاه بمخلوقات رائعة ومختلفة و من كل المخلوقات دي اختار الله الإنسان يعنى ادم و حواء و ميزه عن كل المخلوقات دي لكن الأول كان لازم يهيئله مكان يعيش فيهفيقول الكتاب المقدس في البدء خلق الله السموات و الأرض و خلق معناها أنه عملها من العدم يعنى مكنتش موجودة أصلاو في اليوم الأول فصل الله بين النور و الظلمةو اليوم الثاني خلق الله الجلد اللي هي المنطقة اللي فيها الهواء و سماها السماءو اليوم الثالث امر ربنا المياه تتجمع في مكان واحد تحت السماء و بقى اسمها البحار و المحيطات و الأنهار و تظهر اليابسة اللي هي الأرض الناشفة و خلى الأرض ينبت منها أشجار و اعشابو في اليوم الرابع خلق الله الشمس اللي تطلع بالنهار و القمر و النجوم اللي بتطلع بليل و بكده يعرف الانسان يفرق بين الصبح و الليلو في اليوم الخامس خلق الله الأسماك و الزواحف و الطيور بكل انواعهم