我有一個客人，曾經滿懷夢想去買入一個喺泰國曼谷嘅溫暖後花園。你知道曼谷嘅風情有幾吸引人？夜市、廟宇、美食加埋靚靚嘅物業，買入嘅一刻，佢覺得自己就係世界嘅贏家。不過，最近揾我幫佢賣樓，當初嘅夢想，變成咗疑問和掙扎。佢堅持要用一個超過市場價的價錢去賣，因為佢仲留戀緊當時嘅回憶，當初佢透過香港嘅代理，用比市場價錢高嘅價錢買入，比依家個價仲要貴。我聽到後就盡量去安慰佢，但殘酷嘅現實就係咁，唔會因為你比多左錢，所以人地就要比多啲錢你。其實，無論你買入時候花咗幾多，賣出時候都依然要睇返市場價，呢個就係市場規則。他聽完後，搖下個頭，唉聲嘆氣。雖然無奈，但同時間，佢都學懂咗一個道理。每一個投資都有風險，特別係海外物業，你需要喺買入之前做好市場研究同分析，諗清楚，先係真正嘅投資者。喺遇過咁多個例子，一個又一個嘅真實故事，我見識到海外物業投資的風險同機遇。其中嘅風險，並非無法避免，只係我地需要有清晰嘅審視同分析，做好萬全嘅準備。將手中嘅錢投去海外，睇住佢慢慢增值嘅過程中，你會學習更多無價嘅經驗同知識。呢個係一場修行，亦都係一個提升自我，提升人生嘅過程。只有透過持續不斷嘅學習，同積極噉面對挑戰，我地先可以真正贏在投資海外物業嘅戰場！