「情緒」的組成部分
Chiu Kim Lam
原來了解情緒，係可以幫到我哋好多嘢㗎。我哋首先了解吓情緒有啲咩組成部份先，原來情緒有五個組成部份個喎。第一個就係面部表情啦，有學者發現呢好多唔同種族嘅人，其實都可以認到一啲特定嘅面部表情，就代表某啲情緒㗎，呢啲情緒包括喜、怒、哀、恐懼，有啲人表達開心個面部表情，會同另外一d人都會唔同個喎，令到好多研究情緒嘅學者，都相信一啲基本情緒，原來係每個人都有個喎，例如大家有冇聽過七情啊？七情原來就係喜 、 怒 、 忧 、 思 、 悲 、 恐 、 惊。第二樣呢就生理狀態啦，原來心理狀態係可以反映情緒既一個元素嚟㗎，每一種情緒都會引起身體一連串嘅生理反應，例如當你緊張嘅時候，你嘅身體會產生腎上腺素，你嘅心跳加快啦、呼吸會加速，咁你就好多血會流去四肢嘅大肌肉啦。第三樣，就係主觀感受喎，原來情緒都係好主觀感受嚟㗎，冇人更加俾你清楚你感受到係啲咩感受。第四，就係你對當時狀態嘅描述，原來情緒係生理同心理嘅狀態既混合，呢啲狀態呢其實都十分內在嘅，直至我哋將呢個狀態命名為之，例如開心、傷心、憤怒定係恐懼呢，呢啲命名就可以俾你自己同埋別人，清楚你而家當刻既身心狀態 lu。
